კითხვა–პასუხი


საზღვარგარეთ სწავლის პირობები

რა არის საჭირო იმისთვის რომ საზღვარგარეთ სასწავლებლად გავემგზავრო?
საჭიროა დაისახოთ გარკვეული მიზანი და გქონდეთ შესაბამისი ფინანსური საშუალებები სწავლის, ცხოვრების და მგზავრობის ხარჯის დასაფარად. ამას გარდა, უნივერსიტეტებსა და კოლეჯებში სწავლისთვის დამატებით საჭიროა წარდგენა შესაბამისი განათლების დამადასტურებელი საბუთის (მაგალითად, ბაკალავრის დიპლომის, ატესტატის) და იმ ენის ცოდნის დამადასტურებელი სერთიფიკატის, რა ენაზეც წარმოებს სწავლება (მაგალითად, IELTS, TOEFL, TestDaF).

რა ხანგრძლივობისაა ენის კურსები?
ენის კურსი შეიძლება გაგრძელდეს ორი კვირიდან ერთ წლამდე.

სად ვიცხოვრებ?
არის რამოდენიმე ვარიანტი: ცხოვრება ოჯახში, სტუდენტური რეზიდენცია (საცხოვრებელი), ან სატუმრო, ჰოსტელი.

დამხვდება თუ არა ვინმე აეროპორტში?
ეს არის დამატებითი მომსახურეობა, თუკი წინასწარ განაცხადებთ ამის შესახებ და გადაიხდით ამ მომსახურეობის ღირებულებას, აუცილებლად დაგხვდებიან და მიგიყვანენ სასწავლებლამდე.

არის თუ არა რამე ასაკობრივი შეზღუდვები?
როგორც წესი, პროგრამა თავად განსაზღვრავს მონაწილის ასაკობრივ შეზღუდვას, მაგალითად, საზაფხულო ენის კურსები შეიძლება იყოს სკოლის მოსწავლეთათვის(13-21 წელი) ან ასაკის შუზღუდავად. ამ შემთხვევაში მონაწილეობის მიღება შეუძლიათ როგორც ახალგაზრდებს, ისე ასაკოვან 50 წელს გადაცილებულ ადამიანებსაც. თუმცა ასევე არსებობს კურსები სპეციალურად სენიორთათვის (50+).

მინდა წასვლა საზღვარგარეთ სასწავლებლად, რითი დავიწყო?
გადახედეთ ჩვენს საიტზე ქვეყნების და პროგრამების არჩევანს, შემდეგ შეავსეთ რეგისტრაციის ფორმა. ჩვენი წარმომადგენელი დაგიკავშირდებათ და შემოგთავაზებთ თქვენთვის სასურველი პროგრამის დაზუსტებულ ვარიანტს ფასის და დაწყების თარიღის მითითებით. თუ მოგეწონებათ ჩვენი შეთავაზება, მაშინ გააფორმებთ ხელშეკრულებას ჩვენს სააგენტოსთან. ხელშეკრულების დადებისთანავე შესატანია გარკვეული ოდენობის თანხა დეპოზიტის სახით. ამის შემდეგ მოხდება თქვენი რეგისტრაცია შესაბამის სასწავლო დაწესებულებაში და ჩვენ დავიწყებთ თქვენი საბუთების გაფორმებას.

შეიძლება თუ არა წასვლა ენის შემსწავლელ კურსებზე, თუ საერთოდ არ იცი ენა?
პრინციპში შეიძლება, თუმცა ძალიან გაგიჭირდებათ, თქვენ ხომ თავიდანვე მოგიწევთ ინგლისურად (ან სხვა რომელიმე ენაზე) ურთიერთობა. ამასთან, ვიზის გაცემის პირობებიდან გამომდინარე გარკვეული მოთხოვნები ენის ცოდნის მიმართ საკონსულოს მხრიდანაც არსებობს.

შეიძლება თუ არა რომელიმე ქვეყნის უნივერსიტეტში საქართველოს უნივერსიტეტში ჩაბარებული საგნების ჩათვლა რათა გავაგრძელოთ იქ სწავლა?
დიახ, ეს შესაძლებელია. შესაძლებელია აგრეთვე მხოლოდ ერთი სემესტრით ან აკადემიური წლით სასწავლებლად გამგზავრება, თუმცა გადაწყვეტილებას ამასთან დაკავშირებით კონკრეტული უნივერსიტეტი თქვენი საბუთების განხილვის შემდეგ მიიღებს.

რამდენი ხნით ადრე უნდა შევუდგეთ საბუთების მომზადებას?
თუ თქვენ გეგმავთ გრძელვადიან კურსზე წასვლას, უმჯობესია ერთი წლით ადრე შეუდგეთ მზადებას, ხოლო მოკლე კურსზე გასამგზავრებლად დაგჭირდებათ დაახლოებით 6–8 კვირა.


სწავლის და ცხოვრების საფასური

როგორია სწავლისა და საცხოვრებლის საფასური ევროპაში?
ეს დამოკიდებულია არჩეულ ქალაქსა თუ რეგიონზე. მაგალითად, დიდი ბრიტანეთში ყველაზე ძვირადღირებული არის ლონდონი, შედარებით ნაკლები გადასახადია კემბრიჯში, ოქსფორდში, შოტლანდიაში, კიდევ უფრო მისაღები ფასებია სამხრეთ ინგლისში, ცენტრალურ ინგლისში, ჩრდილოეთ ინგლისსა და უელსში. ზუსტი დანახარჯები განისაზღვრება კონსულტაციის შემდეგ, არჩეული სასწავლებლის, საცხოვრებლის, მგზავრობასთან დაკავშირებული სხვადასხვა დანახარჯების შეჯამების შემდეგ.

სწავლის ღირებულების გარდა, რისი გადახდა მომიწევს?
ავიაბილეთი სეზონისა და ავიაკომპანიის მიხედვით €300-700, საკონსულოს მოსაკრებელი ვიზის სახეობისა და ქვეყნის მიხედვით, საცხოვრებელი პირობების ღირებულება (დიდ ბრიტანეთში ქალაქისა და ვარიანტის მიხედვით £75 – 300 კვირაში), სასწავლო დაწესებულების ადმინისტრაციული მოსაკრებლები, ჩვენი მომსახურეობის ღირებულება.

რამდენი ფული სჭირდება სტუდენტს დიდ ბრიტანეთში?
ცხოვრების ღირებულება განსხვავებულია სხვადასხვა რეგიონში. ყველაზე ძვირია ლონდონი. ყველაზე იაფია - უელსი. კვირაში მინიმუმ £37–45 დაგჭირდებათ ლონდონში საზოგადოებრივი ტრანსპორტით სარგებლობისათვის. კვების ხარჯები, თუმცა ძალიან ინდივიდუალურია, შეადგენს მინიმუმ £60–80 კვირაში. ოფიციალური შეფასებით საცხოვრებელი და სხვა ხარჯები ლონდონში შეადგენს მინიმუმ £800 თვეში, სხვა რეგიონებში – £600.

მსურს საზღვარგარეთ სწავლა, მაგრამ ფული არ მაქვს, როგორ მოვიქცე?
შეგიძლიათ სცადოთ გრანტის მოპოვება სხვადასხვა სახის კონკურსებში მონაწილეობით, სადაც თქვენ უნდა დაამტკიცოთ, რომ ერთ-ერთი საუკეთესო ხართ მონაწილე კონკურსანტებს შორის. არსებობს უამრავი ფონდები და სამთავრობო დაწესებულებები, რომლებიც სწავლას აფინასებენ (სრულად ან ნაწილობრივ). ასევე შეიძლება ბანკიდან გრძელვადიანი სტუდენტური სესხის აღება ან სპონსორის პოვნა.


საელჩო, ვიზები

გარანტირებულია თუ არა ვიზის მიღება თქვენი დახმარებით?
არც ერთ ორგანიზაციას არ შეუძლია მოგცეთ გარანტია იმისა, რაც უცხო სახელმწიფოს საგარეო საქმეთა უწყების პრეროგატივას წარმოადგენს. ამავე დროს ამ სფეროში მუშაობის მნიშვენელოვანმა გამოცდილებამ და სპეციალური ტრენინგების გავლამ საშუალება მოგვცა თქვენი საბუთები საკონსულოს მოთხოვნათა მაქსიმალური დაცვით მოვამზადოთ და გავითვალისწინოთ ყველა ის ნიუანსი, რომელიც თქვენთვის შეიძლება არ იყოს ცნობილი. ვიზის მიღების სტატისტიკა ჩვენი სტუდენტების მიერ ძალიან მაღალია. იმ შემთხვევაში, თუ თქვენი საბუთების განხილვისას აღმოჩნდება, რომ ვიზის მიღებაზე უარის შანსი საკმაოდ დიდია, ჩვენ ამას პირდაპირ გეტყვით.

რა თანხა დამეკარგება ვიზის გაცემაზე უარის მიღების შემთხვევაში?
დაგეკარგებათ სავიზო მოსაკრებელი, სკოლის სარეგისტრაციო თანხა, საბანკო გადარიცხვის საკომისიო და სააგენტოსთვის გადახდილი მომსახურეობის თანხის ნაწილი.

ერთხელ უკვე ჩამირტყეს უარი პასპორტში, შეიძლება კიდევ ვცადო ვიზის მიღება იმავე ქვეყანაში წასასვლელად?
ეს მრავალ ფაქტორზეა დამოკიდებული-რამდენი ხნის წინ ჩაგირტყეს უარი, რა იყო ამის მიზეზი და რა მიზნით აპირებთ კვლავ ვიზის მიღებას.

რატომ უნდა წარვადგინო კონფიდენციალური ინფორმაცია შემოსავლებისა და საბანკო ანგარიშების შესახებ?
ამგვარი ინფორმაციის წარდგენა არის საელჩოების მოთხოვნა. სავიზო ოფიცერი თქვენი საქმის განხილვისას უნდა დარწმუნდეს, რომ თქვენ გაქვთ საკმარისი სახსრები დანიშნულების ქვეყანაში ყოფნისათვის და არ გაქვთ საემიგრაციო ან არალეგალური მუშაობის განზრახვა.


მუშაობა

შეიძლება თუ არა სწავლის პარალელურად მუშაობა?
ხანგრძლივი აკადემიური პროგრამები (უპირატესად, მაგისტრატურა) სტუდენტებს, როგორც წესი, აძლევს ნაწილობრივი დასაქმების უფლებას(არაუმეტეს 10 საათისა კვირაში). ხანმოკლე პროგრამები ამის უფლებას არ აძლევენ.

შეგიძლიათ მიპოვოთ სამუშაო საზღვარგარეთ?
ერთადერთი პროგრამა, რომელიც შეგვიძლია შემოგთავაზოთ და რომელიც ითვალისწინებს ლეგალურად მუშაობას გერმანიაში – ეს არის Au Pair პროგრამა.


სააგენტოს მომსახურება

სააგენტოს მომსახურება - 20 ლარი