მალტა

გსურთ შეახამოთ ინგლისური ენის სერიოზულად შესწავლა ხმელთაშუა ზღვაზე დასვენებასთან? მაშინ ყურადღებით დააკვირდით რუქას – ევროპის ყველაზე სამხრეთ ნაწილში მდებარეობს გაასაოცარი კუნძული მალტა. აქ მთელი წელი ანათებს მზე და ყოველთვის სიამოვნებით ელიან სტუმრებს.

კუნძული მალტა მდებარეობს ხმელთაშუა ზღვაში. დედაქალაქია – ვალეტა. კლიმატი: ზამთარი რბილის, ხოლო ზაფხული მშრალი და ცხელი. ოფიციალური ენებია მალტური და ინგლისური.

მალტას, მიუხედავად მისი მცირე ზომისა, აქვს მდიდარი კულტურული და ისტორიული მემკვიდრეობა, მას არაერთხელ უთამაშია მნიშვნელოვანი როლი ევროპის განვითარების ისტორიაში. ფინიკიელები, რომაელები, ფრანგები, ინგლისელები – ყველანი იმყოფებოდნენ აქ. ახლა კი თქვენი ჯერია!

წავიდნენ რა კუნძულიდან საუკუნენახევრიანი ბატონობის შემდეგ, ინგლისელებმა დატოვეს შესანიშნავი მემკვიდრეობა – ისევე როგორც სხვა ყოფილ კოლონიებში, აქაც ბრიტანული იურიდიული სისტემა მოქმედებს, ინგლისური აღიარებულია სახელმწიფო ენად, ხოლო მალტის უნივერსიტეტი და მალტის ენების სკოლები აღიარებულია მთელს მსოფლიოში განათლების ბრიტანული სისტემის წყალობით. მალტური მენტალიტეტი – ეს არის იტალიის, ესპანეთის და ინგლისის მენტალიტეტის ნაზავი.

კუნძულის იდუმალი რომანტიკული სული არ დაგტოვებთ გულგრილს მალტაზე სწავლის პერიოდში. შუა საუკუნების დროინდელი მიწისქვეშეთი, ტაძრები, კალიპსოს გამოქვაბული, ქალაქის ვიწრო ქუჩები, ნორმანული ეკლესიები და სასახლეები ბაროკოს სტილში, ბრინჯაოს ხანის და რაინდთა ეპოქის ნაგებობები და კიდევ მრავალი სხვა აღაფრთოვანებს თქვენს გულს. მალტა – სლიმა, სენტ ჯულიანსი, პაისვილი – ყოველ ნაბიჯზე ლუდის ბარები, კაფეები და რესტორნებია.

მალტელები გულღია, მეგობრული და სტუმართმოყვარე ხალხია, უყვართ მხიარულობა და დატკბობა ცხოვრების სიამით, თბილი მოალერსე მზის სხივებით და ხმელთაშუა ზღვის ფირუზისფერი ელვარებით.